Facebook პლატფორმა მხოლოდ გართობისთვის თუ კარიერული შესაძლებლობებისთვის?

 

როდესაც სამსახურს ვეძებთ, Facebook შესაძლოა ერთ-ერთ ყველაზე ეფექტურ ინსტრუმენტად იქცეს. თუ აქამდე მხოლოდ სიახლეების ნახვისა და მეგობრებთან ურთიერთობისთვის იყენებდი, შეიძლება დროა, კარიერულ შესაძლებლობებზე დაფიქრდე!

 

დასაქმების ხელშემწყობი ჯგუფები – დასაქმების ხელშეწყობა სამეგრელოში - რესტარტი"  და "ვაკანსიები სამეგრელოში - რესტარტი – ასეთ ჯგუფებში დამსაქმებლები აქტიურად აქვეყნებენ ვაკანსიებს. შენც შეგიძლია პოსტის განთავსება, რომ ახალი შესაძლებლობებისთვის ღია ხარ!

ნეთვორქინგი – როგორ დავუკავშირდეთ HR-ს ან დამსაქმებელს?

თუ იცი კონკრეტული კომპანია, სადაც მუშაობა გსურს, შეგიძლია მოძებნო მათი HR სპეციალისტი ან გუნდის წევრები, გაუგზავნო მეგობრობის მოთხოვნა ან პირადი შეტყობინება. შესაძლოა, სწორედ ასე გაიგო არსებულ ვაკანსიებზე ან სტაჟირების შესაძლებლობებზე.

პირადი ბრენდინგი – რას ამბობს შენი პროფილი შენზე?

დამსაქმებლები ხშირად ამოწმებენ კანდიდატების სოციალურ ქსელებს. შენი პროფილი უნდა ასახავდეს შენი პროფესიულ ინტერესებსაც. სცადე ისეთი კონტენტის გაზიარება, რომელიც შენს სფეროს ან კარიერულ ინტერესებს უკავშირდება.

გააზიარე, რომ სამსახურს ეძებ!

თუკი ახალ სამუშაოს ეძებ, უბრალოდ დაწერე პოსტი და გაუზიარე მეგობრებს. შეიძლება სწორედ შენი ნაცნობი აღმოჩნდეს ის ადამიანი, ვინც სამსახურის პოვნაში დაგეხმარება. "ძებნის რეჟიმში" ყოფნის დამალვა არ ღირს – ხშირად კარიერული შესაძლებლობები ყველაზე მოულოდნელად ჩნდება!"

 

შენ თუ გამოგიყენებია Facebook კარიერული მიზნებისთვის? გამოგიყენებია სამუშაოს საძიებლად ან ოდესმე შემოთავაზება მიგიღია?